త్సద్రూపం కార్యం న కదాచి దారభ్యతే - నచ సతః కారణా త్తదతిరేకేణ కిమపి పరిణమతే – తధాసతి కార్యరూపేణ పరిణతం తత్కారణ రూపేణ అసత్త్వ మాపద్యేత
అతః ద్వావపి ఆరంభ పరిణామ వాదౌ నోపపద్యేతే - కథం తర్హి అదఃకారణ మిదం తస్యకార్య మితి ఘటతే కారణం యత్సామాన్య రూపం తదేవాస్తి సర్వాస్వవస్థాను - తదేవ కారణ రూపేణ కార్యరూపేణ ఉభయధా అవతిష్ఠతే - అయమేవ వివర్త ఇతి అద్వైతినా మభిమతో వాదః - తధాహి సర్ప ఏక ఏవ సన్ కుండలాకారేణ దండాకారేణ అపి అవతిష్ఠతే - మృత్తికాపి చూర్ణ పిండ ఘట కపాలాది ప్రభేదైః అవభాసతే
నను యధా మృద్వస్తు ఏవం పిండ ఘటాద్యపి - తద్వ త్సద్బుద్ధే రన్యబుద్ధి విషయత్వా త్కార్యస్య సతః అన్య ద్వస్త్వంతరం స్యా త్కార్యజాతం యధా అశ్వాదౌః - న పిండ ఘటాదీనా మితరేతర వ్యభిచారేపి మృత్త్వావ్యభిచారాత్ - యద్యపి ఘటః పిండం వ్యభిచరతి - పిండశ్చ ఘటం - తధాపి పిండ ఘటౌ మృత్త్వం న వ్యభిచరతః - వ్యభిచరతి తు అశ్వం గౌ రశ్వోవా గాం తస్మాన్మృదాది సంస్థానమాత్రం ఘటాదయః ఏవం సత్సంస్థానమాత్ర మిదం సర్వం జగత్
అసదేవ తర్హి సర్వం యద్గృహ్యతే రజ్జురివ సర్పాద్యాకారేణ - న సతఏవ ద్వైతభేదేన అన్యధా గృహ్యమాణ త్వాత్ న అసత్వం కస్యచిత్ క్వచిదితి బ్రూమః - యధా సతోన్య ద్వస్వంతరం పరికల్ప్య పున స్తస్యైవ ప్రాగుత్పత్తేః ప్రధ్వంసాచ్చ ఊర్ధ్వం అసత్త్వం బ్రువతే తార్కికాః - న తధా అస్మాభిః కదాచిత్క్వ చిదపి సతః అన్యదభిధాన మభిధేయంవా వస్తు
Page 13
బ్రహ్మశ్రీ యల్లంరాజు శ్రీనివాస రావు