గజం తథా న సామాన్యభూత మఖండ మాత్మతత్త్వం - వస్తుతస్తు దేహేంద్రియ మనఃప్రాణ కర్తృత్వ భోక్తృత్వాది విలక్షణః తేషాం సర్వేషా ముపద్రష్టా యస్సాక్షీ చిన్మాత్ర స్వరూపస్స ఆత్మా - దేహేంద్రియాదయః ద్రష్టార ఇతి లౌకికీ ప్రతీతిః సా ప్రతీతిరేవ కేవలా - దేహాదారభ్య అంతర తమః యతః పర అంతరతమో నాస్తి స తధా భూతః ప్రత్యక్చేతన ఏవాత్మా - కార్యకరణ ప్రవృత్తిషు స్వయ మప్రవృత్తోపి ప్రవృత్తఇవ విభావ్యమానః దేహేంద్రియ మనోబుద్ధీనాం సంహతానాం చైతన్యాత్మ పారార్థ్యాన నిమిత్తభూతేన చైతన్యాభాసానాం తేషాం సాక్షిభూతః - దేహాదీనాం బుద్ధ్యంతానాం ప్రత్యగాత్మత్వేన కల్పితానా మవిద్యయా యః అకల్పితః తేషా మాస్పదభూతః స ఏవ ముఖ్యః ప్రత్యగాత్మా - దేహే యధా తధా నిరాకారత్వాత్ దేహాద్భహిరపి వర్తమానః పరమాత్మాపి స ఏవ
తధాహి అయమాత్మా బ్రహ్మ "ఇతి శ్రుతిః - బృహతే రతతేశ్చ ద్వయోరపి సర్వ వ్యాపకత్వ మేవార్థః - అంతర్వ్యాప్తి ర్బహి ర్వ్యాప్తిః స్వరూపవ్యాప్తిరితి త్రివిధా వ్యాప్తిః - యధా సువర్ణం కటక కుండలాదీ న్యాభరణాని త్రిధా వ్యాప్నోతి ఏవం సచ్చిద్రూప మాత్మ తత్త్వం నామరూపాత్మక మేత త్సమస్తం జగత్సర్వాత్మనా వ్యాప్య అవతిష్ఠతే బహి స్సత్సామాన్యరూపేణ సద్విశేషాన్ గృహారామ వన నదీ పర్వత పట్టణ సూర్య చంద్రాదీన్ అంతః చిత్సా మాన్య రూపేణ తత్తద్విషయ విషయాన్ భావాన్ చిత్ర విచిత్రా నాక్రమ్య ఆత్మసాత్కృత్య అవతిష్ఠతే - తధాపి పరోక్షతయా నిర్దిశ్యమానం బ్రహ్మేతి పరమాత్మేతి అభిధీయతే - తదేవ ప్రత్యక్షేన నిర్దిశ్యమానః ఆత్మేతి ప్రత్యగాత్మేతి వ్యపదిశ్యతే - సంజ్ఞా భేద ఏవ కేవలో న వస్తుభేద ఇతి అవధారణీయం -
Page 11
బ్రహ్మశ్రీ యల్లంరాజు శ్రీనివాస రావు